الخميس، 12 فبراير 2015

بين زلزال وثوره

بين زلزال وثوره جيل فى ورطه تايه مش لاقى بر يرسى عليه
ما تعرف ثار لما اتزلزل  ولا اتزلزل لما ثار
فين معانيكى ياكلمات فين محتواكى ياحياه فين مفاهيمك يامبادى
دا الكل اسقط على هواه حتى اصبح الكل هواء
الحقائق اصبحت مضاربه والزيف اصبح يقين
والدين اصبح يهدى للفجور او للقبور 
والانحلال بينادى للاخلاق والقيم الانسانيه 
زمان كان القارئ فاهم  خبير 
دلوقتى القارئ بقى بغبغان كبير
الفوضى بقيت خلاقه  والنظام اصبح مبيد
والالحاد مطلب شعبى فى زمن اتركز الدين فى الجزء الغيبى
سامع صوت صراخ ودموع سئلت مين مدفون
قالوا لا دا شريط دينى قلت مش سامع غير صراخ ودموع  
قالوا اصله بيتكلم عن القبور 
طلبت حد يفسر الكلام الكلام مش واضح من الصراخ والدموع 
سئلت مافيش شريط تانى غير القبور
قالوا فى شريط عن تبرج النساء 
سئلت مافيش حاجه رجالى 
قالولى انت خيالى 
مشيت وانا لا ابالى وقولت وانا مالى 
شافونى اعترضت قالولى انت كفرت
قولتلهم كفرت  اتهمونى بالجنون 
مين فينا المجنون
قالوا دينا دين سلام وكل يوم دفاعا عنه فى ارواح بتزال
تركتهم وانا لسه جوايا زلزال
وقامت ثوره وازاى تنجح واحنا جيل توابع زلزال
بين زلزال وثوره مليون زلزال 


هناك تعليقان (2):

أسواق أونلاين يقول...

جيد

art education يقول...

رؤية كلية التربية الفنية
تسعى كلية التربية الفنية -جامعة المنيا أن تكون مؤسسة تربوية أكاديمية متميزة متخصصة في مجالي التربية الفنية التثقيف بالفن ، وفق معايير الجودة، كما تسعى إلى دعم العمل الجماعي والتركيز على التجديد والإبتكار وتنمية قدرات منتسبيها، وأن تكون بيت خبرة واستشارات فنية وبحثية للمجتمع ولجهات الشراكة من خلال نظام تعليمي عالى الجودة يضمن خريجين متخصصين مؤهلين للعمل في مختلف مراحل التعليم العام والجامعي وفي عديد من مؤسسات المجتمع ذات العلاقة بالتخصص.
Artedu Faculty