الثلاثاء، 13 أغسطس، 2013

ملابسها



حتى النخوه بقى فيها خيار وفاقوس
ديه حلوه وجميله  وعودها ملفوف
تستاهل يتحرش بيها ابو سيجار ملفوف
ليه ماتلفش نفسها بملايه  تحرسها  من واد  قليل الادب
فهمه مجتمعه انها هى اللى قليله الادب  
عينى عليك يا زمن  بقى  فيه عديم الادب هو اللى بيرسى قواعد الاخلاق
بكره هنحصد الم 
ياعمده مراتى ابنك قليل الادب عاكسها
ياسيدى طلقها دا ابننا متربى مايعاكس الا  اللى ماشيه على حل شعرها
ياشيخ  قول حاجه بيها ترضينى
ماشى بس لبس مراتك ملابس ترضينى
بقى هو دا ردك  ملابسها
وحكمت عليها كمان من غير ماتشوفها
اه واه  والف اه  اه ياشعب مسطول
  السارق بقى معذور
والمسروق هو المسئول
 من حظه المنحوس  اتسرق فى مجتمع مهوس 
اعقل مافيه مسطول
كده كملت خلاص فهمتك   وعرفت طلبك
  اه نسيت اقولك
بكره لو ربنا  رزقك  ببنت ادفنها
اصلى هاخد حقى منك واجيب الحق عليها
مها كانت مش هتفرق ليك تربيتها
اصلى خلاص عرفت السر ملابسها
من صغرها وهى لسه فى بطن امها
معروف انها  ماشيه على حل شعرها
وتسئلنى الدليل هقولك ملابسها
واهى قاعده سوء  انت زرعتها
الولد حتى ولو نازل من بطن امه بمطاوى متربى
ازاى اهو اللى حصل متربى
والبنت حتى ولو نازله من بطن امها بنقابها
احنا لسه هنكلم ملابسها يا استاذ ملابسها