الأحد، 15 مايو، 2011

الانسان مخير ولا مسير

حياتى  مش حر فيها
ولا انا حر فيها
سؤال ياما اتسئل و ياما حير
الانسان مسير ولا  مخير
 الانسان باراده اختار سكته  ورسم  ملامح  حياته ودنيته
لكن ساعات يواجه عقبات ما اخترهاش  فى حياته ودنيته
يمكن تغير حياته وسكته
بس ياترى العقبات هى اللى غيرت سكته
ولا باراده هو اللى غير سكته
يدارى اسبابه  بعد ما فكر فى  البدائل  ويقول ماكنش بايدى الاختيار
طب مين اللى كان صاحب القرار
في ناس تقول ماخترناش اسمنا ولا  ميعاد ميلادنا ولا اهلنا
 بس  ما احنا  اللى  اختارنا  لقبنا بين الناس واصحابنا ولا ايه ياعمنا
 الا نسان مخير ازاى يتعامل مع الاشياء اللى ماخترهاش
حاجات كتير ماخترنهاش
بس اختارنا  طريقه التعامل معها 
تبقى حياتنا احرار فيها
ولا  حياتنا مش احرار فيها  
سؤالنا  النهارده  الانساان مخير ولا مسير  من وجهه نظرك
قول رايك   مع ذكر الاسباب التى بسببها كان اختيارك  

هناك 7 تعليقات:

re7ab.sale7 يقول...

كتبت مرة بوست مشابه
محتاج تفكير كتير
وتركيز
وحاجات كتير
يعني
سيبها لربنا واعمل ال عليك

عمرو يسرى يقول...

رحاب صالح
ماالبوست مقتبس من اسم مدونتك
انما ليه صحيح سميتى مدونتك حياتى مش حره فيها
شكرا ليكى
نورتينى

Ramy يقول...

الموضوع كبير قوى يا عمرو

مش هينفع أقوله فى كومنت

ممكن لما نتقابل قريب أن شاء الله

أقولك وجهة نظرى

و ممكن كدة فجأة تلقينى كتبت كومنت

أصلى مرهق شوية فده اللى مكسلنى

أكتب باستفاضه

بس نهاية القول أحنا مُخيرين

mrmr يقول...

ربنا ميز الانسان بالعقل
ورسم لنا طريق الخير والشر
وعلى الانسان الاختيار
اما الخير او الشر
فالانسان مخير لكن فى بعض المشاكل بتمر بالانسان مش بيقى ليها غير حل واحد بس ومعندوش خيارات اخرى
فلا يوجد روابط ثابته وبالتالى لا تقدر ان تجزم هل الانسان مخير او مسير

موضوع جميل يا عمرو
ربنا يسعدك ويجعلنا ديما نسعى لطريق الخير

اقعد بالعافيه

خواطري مع الحياة يقول...

مخير
لانه هو الي يختار حياته
هو الي يختار كيف يكون مكانه في هذا المجتمع
هو الي يفرض نفسه بينه

مايخلي شخص يسير عليه حياته
عقلة هو الي يسيره وهو الي يختار حياته
يختار ان يكون ناجح ام فاشل
يختار ان يكون قوي الشخصية ام ضعيف الشخصية
يختار ان يكون له مكانه بالمجتمع امام ام يختبى وراء المجتمع

هذا هو رايي
الانسان مخير
لانه الله ميز الانسان بالعقل عشان يعرف يختار ويعيش حياة سعديه
ماخلق له العقل عشان الغير يتحكم فيه
صح ولا انا غلطانه

موضوع جميل جدا
مهما تكلمنا يطول فيه الكلام

تقبل مروري ^_^

الازهرى يقول...

مخير

لإن ربنا قال لنا إنه حملنا أمانة الإختيار

فى أصدق من كده

nora nor يقول...

Finally I've found something which helped me. Thank you
http://www.prokr.net/2016/09/ceramic-polishing-companies-8.html
http://www.prokr.net/2016/09/ceramic-polishing-companies-7.html
http://www.prokr.net/2016/09/ceramic-polishing-companies-5.html