الاثنين، 9 مايو 2011

عجبى


عجبى لما الرجال
 يبقوا فى ساعه الجد عيال
يتخانقوا زى الاطفال
وكانهم مش دارينين بالحال
بلد  بتتحول من نظام لنظام
وفيها بعض الفوضى ولسه متظبطلهاش نظام
ومساجين  بتفر من سجنها  وبتعمل فوضى وبتخترق النظام
ودول شويه عيال رايحين يتخانقوا ولا فى بالهم اى نظام
عجبى
هى ديه بلدهم ولا بلد غيرهم
زمان لما كانوا بيستعبطوا كانوا يقولوا الاستعباط  سببه النظام
ودلوقتى بيستعبطوا  ويقولوا الاستعباط سببه  فلول النظام
عجبى
امتى هيفوقوا  ويبداوا يصلحوا
ولا خلاص مافيش امل فيهم خلاص  فسدوا  
عجبى
 مش هنقعد نعيد ونزيد ونتكلم عن الوحده الوطنيه تانى
حفظنا ومش فاهمين ايه فايده الكلام تانى
ياترى هيجى اليوم نفهم ونعقل ولا هنفضل مساطيل
نقول كلام فى الصبح يطير  ونفتكر اننا كنا مساطيل
شريط بيسف ويرجع تانى
حدوته بتنتهى وترجع تانى
عجبى
يامصر يامحروسه
عيالك شكلهم مش عايزينك تكونى محروسه
عجبى
اشتروا الحريه ونسيوا الكتالوج
وقاعدين يلعبوا فى الريموت ونسيوا ان الحريه لها كتالوج
عجبى
طالبوا الحريه وسبوها  للبلطجه وبقيت فوضى
من امتى كانت الحريه فوضى
عجبى
ربنا يحرسك يامصر ياحره يامحروسه
من عيالك ويوقف رجالتك ضد عيالك  لاجل يحافظوا عليكى محروسه يامحروسه
وعجبى

هناك 7 تعليقات:

غريب يقول...

تلكم الأحرف تدلل على شخص تملأه مصر
جميل ما سطرت أخي الفاضل
فلا يحس بألم الأم إلا إبنها البار
أحسبك كذلك والله حسيبك

مؤلم جداً أن نجد الناس تضرب بعضها
رغم زوال الحكم الظالم ظلت المظالم تتكاثر
بما كسبت أيدي الناس فالناس إن لم يتفقوا
إن لم يتفقوا على ربان غرقت السفينة
فدولة بلا نظام كجسد بلا عظام
تنهار مع أول تيار والعياذ بالله

و مع هذا كله لا بد من التفاؤل
لأنكم في مصر ومصر ولادة بالأخيار
نسأل الله أن يرزقكم حاكم صالحاًمصلحاً
اللهم آمين

فالحاكم أساس أي دولة متماسكة

لك مني محبة في الله

ساسو يقول...

احاسيسك جميله جدا
وحروفك يملؤها الدفء
دمت متألق

وجع البنفسج يقول...

ان شاء الله رجالة مصر راح تبقى رجالة على طول .. هي بس شوية زوبعة في فنجان ، صحيح طولت شوية بس في الاخر في امل وفي ثقة بأن القادم أجمل ، الشعب المصري طيب وابن حلال وكل اللي بيحصل في مصر هو من تخطيط اسرائيل لضرب استقرار مصر بعد المصالحة وقرارها فتح معبر رفح وفك الحصار عننا في غزة ..

اصبروا وصابروا وتفائلوا وان شاء الله خير ..

sony2000 يقول...

وعجبي

نقلت كل كلمه جوايا
شكرا ليك

عمرو يسرى يقول...

غريب
شكرا لك
نورتنى

عمرو يسرى يقول...

ساسو
شكرا لكى
نورتينى

عمرو يسرى يقول...

وجع البنفسج
شكرا ليكى
نورتينى