الاثنين، 22 نوفمبر 2010

مكالمه تليفونيه

فى العيد وسط جلسه الاهل والصحبه
ذهب  الولد الى التليفون ليجرى  مكالمه
لماذا يترك الولد الاهل والصحبه ويروح يجرى المكالمه ؟! 
اهى مكالمه مهمه لا توجل؟؟  حاجه غريبه ! 
الولد سايبهم و رايح يكلم صديقه
ياترى فى حاجه مهمه !
ايه ده بيقوله ويكلموا فى اى كلام  ديه حاجه  غريبه
يترك اهله والصحبه ويروح يقول اى كلام حاجه عجيبه
يمكن يكون اشتاق لصديقه
بس دا كان معاه امس واول امس  ولسه تركه من ساعات
هو صديقه ولا حبيته  اللى بيرغى معاها  ساعات
فى كلام حب وعشق وغرام وهيام
طب ليه سايب اهله ورايح يكلم مع صديقه  اى كلام
اصلها مش مكالمه  جت فجاه  ولا هى لحاجه مهمه
وهو اللى رايح  يتصل ويجرى المكالمه  
ايه هو فيش ليهم اى احترام ولا اهتمام
 ابدا والله فى قلبه ليهم كل الاحترام والاهتمام
بس منهم  هاربان  مش عايز يسمع منهم اى كلام
هاهاهاهاهاها لا واضح الاحترام والاهتمام
وليه بقى مش عايز يسمع منهم اى  كلام
اصل النصيحه لما تتقال مره من غير استجابه
تبقى ايه لازمتها  لما تتقال تانى  بنفس الشكل والاسلوب 
هو المره الاولانيه كان ليها  استجابه
ايوه معاك بيقولوا الذن على الودن امر من السحر
بس مش دايما الذن بيعمل استجابه ايجابيه
كثير من  الذن  بيصنع استجابه سلبيه
ما هو عدم الاستجابه للنصيحه
مش معناه  رفض النصيحه
بس فى ناس  بتحتاج وقت للاستجابه
او احيانا بتبقى فى حاجات مخفيه  ومجهوله
مش كل حاجه عن المنصوح  للناصح  معلومه
ياما منصوحيين مختفي  جواهم حاجات  يمتنعوا  عن الافصاح بها  للناصح
ماهو  مش كل  واحد بيقول اسباب   عدم الاستجابه للناصح  
واحيانا بيبقى النصيحه عايزه تغيير فى الاسلوب
لتجيب النصيحه استجابه بالمقلوب 
ولو كان عدم الاستجابه للنصيحه   من وجهه نظر الناصح غباء
طب ليه يرجع تانى للمنصوح  من غير طلبه  بنفس النصيحه 
ينصحه  ويروح نصحه  هباء
اهو الولد بقى  يتركهم  ويروح  يجرى مكالمه  ويتكلم  اى كلام هباء

    

هناك 16 تعليقًا:

ستيتة حسب الله الحمش يقول...

المشكلة الأزلية
ليه الأهل مش بيفتكروا أبدا وهم صغيرين؟
وليه المدير مش بيفتكر لما كان موظف صغير
وليه اللي ربنا اداه قوة بينسى ايام ضعفه؟
تحياتي

mrmr يقول...

شباب اليومين دول غير قابل للنصح ابدا
وستستمر المشكله الى مالا نهايه
وما فيش ليها حل
ومحدش ابدا ح يحس بالمشكله غير لما يكبر ويكون مكان الاهل
وبعدها فقط ح يقولوا ياريت كنا سمعنا كلام الاهل ولا جرينا نهرب بمكالمه تليفونيه

عمرو يسرى يقول...

د/ستيتة
فعلا مشكله ازليه ولا اعتقد ان لها حل طول ما فى جيل قديم وجيل جديد يعاصر اختراعات جديد يتاثر بها غير التى تاثر بها الجيل القديم
نورتينى

عمرو يسرى يقول...

ا/ مرمر
شباب اليومين دول وشباب اليومين اللى قبل كدا وشباب الايام القادمه كلهم غير قابلين للنصح وهذا ليس عيب فى النصح قد ماهو عيب الناصح لان احيانا بنبقى مش عارفين ننصح بطريقه صح
وكل واحد لما يكبر بيتصرف زى تصرفات الاهل والاهل اساسا وهما صغيريين اطفال كانوا بيتصرفوا زى تصرف الابناء
ولكن مع اختلاف الاساليب من جيل الى جيل وهذه هى المشكله الازليه كما قالت الدكتوره ستيته
نورتينى

افروديت يقول...

عندك حق طبعآ بس دي مشكلة ومش ليهاحلول وبعدين كتيرمن الناس مش بينصحوا أولادهم بالحسني وكتيرمن الأولاد مش بيتقبلوا انصيحة بصدر رحب ع الأقل وبالتالي مش بينفذوها

المفروض يكون في تفاهم


بوست هام

karmen يقول...

صراع الاجيال الشهير كل جيل يقول ع اللي بعده فاسد
بوست هايل تسلم ايدك

خواطري مع الحياة يقول...

السلام عليكم
الدنيا كلها نصائح لكن مفيش مستجيب ليها والاهل كمان كلهم نصائح اكيد احد من الاهل حصلت ليه مشكله في زمانه واهله كله عارف ونصحة في زمانهم لكن الابن مايتعبر منها
بيقول ده كان زمانهم غير زمانا مش عارف ان المشكلة عمرها ماتتغير مهما تغير الزمن
لما يقع الفاس بالراس بيذكروا النصائح
ويقولوا ياريت سمعنا النصيحة لكن بعد ايه بعد الي يحصل
مافي شي نقدر نعمله غير ان نقول ربنا يهدي كل الشباب وندعي لهم
تقبل مروري
سلامي ليك اخي.

يوميات شحات يقول...

غير مطلوب من الأبوين النصائح المباشرة الكثيرة
فيه سن معين المفروض الأبوين يصاحبوا أولادهم

mrmr يقول...

عمرو .. هو ده فعلا كان مقصدى من تعليقى
شكرا لك

Casper يقول...

اختلاف السن هو السبب في وجود فارق في الافكار والاراء

========

تقبل مروري
Casper

عمرو يسرى يقول...

ا/ فروديت
عندك حق لازم يكون فى تفاهم
شكرا ليكى
نورتينى

عمرو يسرى يقول...

ا/ كارمن
شكرا ليكى
نورتينى

عمرو يسرى يقول...

ا/ رشا
احيانا الابن يندم واحيانا بيكون على حق
ومازلت المشكله موجوده وستظل الى نهايه الكون
وربنا يهدى الجميع
شكرا ليكى
نورتينى

عمرو يسرى يقول...

ا/ يوميات شحات
من بدايه عمر الاولاد لابد الاباء يصاحبوهم لانهم لوانتظروا السن المعين الذى يجب ان يصاحبوا فيه الابناء عندما ياتى هذا السن سيكون الاولاد قد ابتعدوا عن الاباء وستكون المشكله كيف يصاحب الابناء الاباء وليس العكس
نورتنى

عمرو يسرى يقول...

ا/ مرمر
عارف ولكن ارد ان اوضحها
شكرا ليكى
نورتينى

عمرو يسرى يقول...

ا/ جاسر
ليس اختلاف السن ولكن اختلاف الازمان فنحن نربى بافكارنا اجيال تخرج للحياه فى زمن غير الذى تربينا فيه وزمن غير اللى اتربوا فيه

نورتنى