الاثنين، 1 نوفمبر 2010

بتعتذر ولا بتبلطج

ما تيجى تضربنى  قلمين احسن  عشان اسامحك 
جاى بتعتذر وفاكر ان المفروض انى  اسامحك
جاى بتقول ما انا  اعتذرتلك
عايز ايه  تانى   اعملك
هو انت جاى بتعتذر ولا بتبلطج
طب اسامحك ازاى وانت جاى عليا بتبلطج
انا عايز اعرف دا اعتذار ولاتهديد
طب يعنى المفروض انى اسامحك تحت التهديد
جاى بتقولى انا اعتذرتلك عايز تسامح سامح
مش عايز  عنك ما سامحت  واضح انك عايزنى  فعلا  اسامح 
بقى هو ده الاعتذار دا احنا ماكناش بنعتذر
صدقنى  خلاص انا الغلطان ثوانى هجيب سنجه وهاجى ليك اعتذر
معرفش يمكن فى الاعتذار اجيب كرشك
بس ياريت لو انت  فضلت حى بعد اعتذارى تسامحنى وتفتكر انى اعتذرتلك
معرف ايه الحكايه الاعتذار بقى بلطجه
تغلط وتيجى تعتذر والمفروض منى  اسامحك بالعافيه ايه ياعم الاعتذار ده اللى بالبلطجه   
 اسامحك لما تيجى تعتذر مش تتبلطج
دا انت جاى تعتذر  ليه يابنى بتتبلطج
اسامحك لما تعرف الفرق بين الاعتذار والبلطجه
اسامحك بمزاجى مش تحت تاثير البلطجه

هناك 13 تعليقًا:

mrmr يقول...

هو فى اعتذار كده
اول مره اعرف ان فى اعتذار بالبلطجه
وتحت التهديد

تصبح على خيررررررررررر

جايدا العزيزي يقول...

خلاص يا عمرو

المسامح كريم

هههههههههههه

هو اكيد ساكن فى الباطنيه

معلش سماح المرادى

بس حلو افكارك

ماشالله عليك

مسكه الخشب اهو

تحياتى

خواطري مع الحياة يقول...

السلام عليكم
بجد اعتذار ولا اروع فيه نوع من الرجولة
هههههههه
مهي معظم الناس اصبحت بلطجية طيب عايز تعتذر اعتذر بكلمة طيب
انا اسف وخلاص
ليه الدوشة والكلام الي ملوش داعي
لاتسامح ياعمرو خليه هو واعتذاره يعفن
ههههه
تقبل مروري
سلامي ليك.

karmen يقول...

لفت نظر قوي عمرو
فعلا يبقي حد غلطان في حقك وجاي يعتذرلك وتلاقي خمسة ستة جارينه وجايين ويجي يقولك معلش ياعم واما تسكت يقولك وانا اعملك اكتر من الاعتذار
ويقولهم مش انا قولتلكو انا غلطان ^_^
جميلة ياعمرو تسلم ايدك
تحياتي
¥k¥

عمرو يسرى يقول...

مرمر
اه لما يبقي حد غلطان في حقك وجاي يعتذرلك وتلاقي خمسة ستة جارينه وجايين ويجي يقولك معلش ياعم واما تسكت يقولك وانا اعملك ايه اكتر من الاعتذار مش انا اعتذرتلك
نورتينى

عمرو يسرى يقول...

جايدا العزيزى
هههههههههههههههههه
شكرا على كلامك الجميل
نورتينى

عمرو يسرى يقول...

رشا
ههههههههههههه
نورتينى

عمرو يسرى يقول...

karmen
هما دول اللى انا اقصدهم فعلا
شكرا على كلامك الجميل
نورتينى

Tears يقول...

و اضح ان الاعتذار تتطور اوى :)

عمرو يسرى يقول...

تيريز
دا تطور جدا جدا
نورتينى

Noha Saleh يقول...

فى ناس فعلا ده اسلوبها فى الاعتذار
قابلتهم كتير وللاسف مش بقدر اقبل منهم اى اعتذار

عمرو يسرى يقول...

نهى
ماهو اللى زى دول ماينفعش حد يقبل منهم اعتذار
نورتينى

فطووووم يقول...

كيف اعتدر لشخص بحركه غير مباشره اتمنى التفاعل