الاثنين، 11 أكتوبر، 2010

حوار رئاسى شعبى ديمقراطى

انا الرئيس  انا الرئيس  وانتم بتقوله مش عايزيين توريث
كلنا بنحب اولادنا يكونوا احسن مننا  وانا الرئيس
  انا الرئيس فى احسن من كده  اعتقد  ما مفيش 
     بس احنا شعب لايورث ومش بنحب التوريث
خلاص انتخبوا اى حد يكون رئيس  غير الوريث
بس يكون ينفع  ان  يكون رئيس
هو فى غير الوريث ابن الرئيس  ينفع يكون  رئيس
 متربى فى بيت الرئيس  فاهم الحوار هو خلاص هيبقى الرئيس
هاهاهاها اما شعب مهاييس   مش بتقوله مش عاييزين توريث
ومش عاجبكم  انى  انا الرئيس
دلوقتى بتقوله عايزين الوريث يبقى الرئيس
 ما هو متربى فى بيت الرئيس
شوفتم  ازاى انتم  معجبين بيا  رئيس
ما  انت خلتنا  مش شايفين حد ينفع غير الوريث  يكون رئيس
خايف اكون انا عنيكم  وانا مش دارى
كام مليون  منكم  اعمى  وانا مش  واخد بالى
انت  حطيت على عيوننا غمام
مش شايفين حد جدع همام
يا اللى بتقول الكلام دا  حتى لو على عنيك غمام
ليه مش حاسس نفسك جدع همام
ليه بتحلمش تكون رئيس 
وانا كنت ايه يعنى غير مجرد انسان
 ولا انت مش انسان
يعنى كنت تسمحلى
وانت جربت يعنى
ماغيرى جرب
واتبهدل واتسجن  وفى بلده اتغرب
 يعنى انت زى غيرك
يعنى هكون احسن منهم
ليه لا
لا اظن  ذلك
تبقى الحكايه مش حكايه  غمام
الحكايه انك انسان  خايف جبان
  والموضوع مش ذنبى  اشمعنى غير ماكنش جبان
 ما انا  بردوه خفت لما شفت غيرى  كمان
فطلعت انا انسان جبان
و حضرتك  كملت رئيس
موضوع مش ذنبى  وانا  الرئيس
 وكلامك ده كلام تهييس


ربنا يستر

هناك 18 تعليقًا:

Ramy يقول...

ايه يا عم عمرو ده

بس جامدة

و حقيقية كمان على فكرة

حوار حقيقى

مش تهيسى

تحية كبيرة ليك

بالتوفبق دايما

Tears يقول...

عمرو

كلامك فكرنى بقصيدة نجم الجديدة للريس بعنوان "كأنك مفيش"
http://saveegyptfront.org/hot-files/13616.html

جايدا العزيزي يقول...

حوار مقنع

وكاننى اسمعهفى الحقيقه

دائما مبدع اخى

ودائما تروقنى كتباتك

تحياتى

الحب الجميل يقول...

أمممممممم
حوار رئاسى شعبى مش ديموقراطى تمام
ربنا يستر
تحياتى

شهرزاد يقول...

حوار في المستوى
معبر وصادق
يسلم الفكر الي انتجه

mrmr يقول...

ههههههههه
انا الريس
انا الريس ولا حد غيرى ريس هههههههه

حوار جميل ابدعك يا عمروووو

سلام كبير قوى قوى قوى لريسنا الهمام

BNT ELISLAM يقول...

حوار جامد جدا جدا جدا جدا



فكره مبدعه بجد



حسستنى اكنى انا الى بكتب وبتكلم


تقبل مرورى هنا ومدونه حلوه اوى

خواطري مع الحياة يقول...

السلام عليكم
ايه الحوار الجميل الي بيقول الحقيقة
بيتكلم عن الشعب كله
ربنا معاكم ويصبركم على بلواكم وكمان يصبرنا على بلوانا
تقبل مروري سلامي

عمرو يسرى يقول...

رامى
الله يخليك
شكرا على كلامك الجميل
نورتنى

عمرو يسرى يقول...

Tears

الله يخليكى
شرف ليا ان كلامى يفكرك بكلام شاعرنا الكبير نجم
رغم اعتراضى احيانا على اسلوبه
بس ياريت اوصل لقيمته كشاعر كبير
شكرا ليكى
نورتينى

عمرو يسرى يقول...

جايدا العزيزي
شكرا على كلامك الجميل
دايما رفعه معنوياتى
نورتينى

عمرو يسرى يقول...

الحب الجميل
هههههههه
امين يارب
نورتينى

عمرو يسرى يقول...

شهرزاد
شكرا على كلامك الجميل
نورتينى

عمرو يسرى يقول...

مرمر
شكرا على كلامك الجميل ياريستنا
نورتينى

عمرو يسرى يقول...

BNT ELISLAM
شكرا على كلامك الجميل
نورتينى

عمرو يسرى يقول...

رشا
امين يارب العالمين
الله يخلكى
دايما رفعه معنوياتى
شكرا ليكى
نورتينى

Magdy Hatem يقول...

بجد كلمات جميلة تمس الواقع وتعبر عنه
بالتوفيق دائماان شاء الله

عمرو يسرى يقول...

Magdy Hatem
شكرا على كلامك الجميل
نورتنى