الأحد، 10 أكتوبر، 2010

احنا مش لبعض

انا مصدق انك اتغيرت  ومين فينا ما بيتغيرش
انا كمان اتغيرت  بقولهالك  لو لسه ما تعرفش
و زى  ما زمان  ما كناش لبعض
دلوقتى بردوا احنا مش لبعض
اتغيرت عشانى  عشان ترجع ليا
وانا اتغيرت من افعالك فيا
 احنا يا دوب لعبنا  لعبه الكراسى
وزى  ما انا خد مكانك  يمكن تكون خد مكانى
اتغيرنا وممكن اتغيرت مشاعرنا
لكن  رغم تغيرنا ثبت حالنا
يمكن لو رجعتلك
اردلك جرحك
وانا بعد ما ذوقت  طعم الجرح
صعب عليا اجرح
ومادام فى القرب جرح 
وفى البعد جرح
يبقى افضل  جرح البعاد  
 عن القرب اللى نتمنى فيه البعاد
ويبقى احنا مش لبعض
جاى تقولى انك اتغيرت ويلا نرجع لبعض
مين قالك انى كنت واهب حياتى مستنيك تتغير ونرجع تانى لبعض
سيبك من شغل الافلام ده اصله كلام حكايات
يرجع الحبيب اللى فجاه اختفى  ويشده الحنين
 ويرجع ندمان  ويتسامح وكأن الفراق معملش فى قلب  حبيبه اهات
انما الواقع  حاجه تانيه
ما فيش  قصه حب ترجع فى ثانيه
اتغيرنا  مااتغيرناش
زى زمان ماكناش لبعض
النهارده احنا مش لبعض

هناك 22 تعليقًا:

Tears يقول...

كل ده وجع و قهر فى الكلمات

برغم من شعورى بمرارة الكلمات الا ان تلك الكلمات لا تأتى سوى من شخص احب و مازال يحب بالفعل و لكنه مجروح فى كبرياؤه

التسامح شىء مهم...ممكن طرف يكون غلط اوى لكن مادام ندم و اعترف فلا داعى للحكم بالاعدام لان من حقه استئناف الحكم و النقض

شهرزاد يقول...

الحب الحقيقي بيعيش دايما ولو كنت فعلا حبتها حب حقيقي اتأكد انك حتسامح وترجع
بس الخاطرة دي هي كلام الكبرياء المجروح ولا يهمك الزمن كفيل ان ينسيك
بس اسمع لو ضيعت حبك مش حتلقيه ثاني
فكر في كلامي واللي نعرفه احسن من الي منعرفوش
تحياتي الحارة لك يا عمرو يسرى

عمرو يسرى يقول...

Tears
قد يكون الندم متاخر بعد انتهاء فتره السماح بالنقد و الاستئاف
فلا يفيد فى شئ

نورتينى

عمرو يسرى يقول...

شهرزاد
كلامك جميل
شكرا كثيرا على النصيحه
بس هى مجرد خاطره فقط

نورتينى

karmen يقول...

جميل ياعمرو
انا معاك ان الندم ساعات بيجي متأخر
والقلب بيكون اكتفي من حب ماشفش منه الا الجرح
خاطرة جميلة عمرو تسلم ايدك
تقبل مروري
¥k¥

جايدا العزيزي يقول...

ايه ده جيت متاخرة

معلش ابنى كان ماسك الجهاز

وحالف ما يسيبه

بس اول ماسابوا

دخلت على الخاطرة

حلووووووووووة اووووووووى ياعمرو

يسلم احساسك

رغم قسوتها الا اننى قرأت

بعض الحنين والحب بين السطور

اشكرك

تحياتى

الحب الجميل يقول...

خاطرة جميلة جدا
تسلم ايدك يا عمرو

iـــــــــــsــــــــــlــــــــــــaـــــــــm يقول...

ما فيش قصه حب ترجع فى ثانيه
ــــــــــــــــــــ
حلوه اوى والاحلى الجمله دى

لخصت كل الكلام اللى اتقال واللى متقالش

يمكن وانا بقراها حسيت انى بمر على الكلام باسترخاء جت الجمله دى وفوقتنى وشدتنى اوى
وده خلانى ارجع اقرى الخاطره تانى من الاول

بجد احساسك حلو كلامك جميل

تحياتى ليك

ghada mOhsen يقول...

كلمات مليانه وجع من الماضي ..

بس عايزه أقولك إن في حكايات حب الواحد يحس إنها إنتهت ومستحيل ترجع تاني
بس طالما في أمل وتسامح بترجع تاني وأحسن من الأول ...
...........
إسلوبك سلس جدا وخفيف

تسلم وتحياتي المشرقه لك ولإحساسك
^_^

mrmr يقول...

ايه وجع القلب ده يا عمرووووو

بس خاطره جميله

سلمت يداك

تصبح على خير

جنون عـبقري يقول...

كل آهات وسكنات الحب تتجسد في مشاعرنا وكلامنا .. وتجعل القلم ينزف من الألم.

سلمت الأنامل أخي في الله

mena يقول...

عمرو

برغم انك وجعتلى قلبي الا انى بجد معجبه جدا بالبوست ده تسلم ايديك وبلاش يبقى قلبك قاسي ياعمرو لا تترك للقسوة ف قلبك مكان حاول تسامح فما اجمل التسامح ....تحياتى ..منه

خواطري مع الحياة يقول...

السلام عليكم
هو الحب لو انكسر يرج تاني
طبعا لا ولو رجع مش يرجع زي ماكان
الانسان بيسامح مرة انثنين وثلات
لكن لو زاد عن الحد ينقلب ضده
كلام فيه جرح كبير ويارب اشفي جرحة
لكن بقولك لو شايف انك تقدر تسامح سامح وخلي الكبرياء على جمب لكن لو شايف العكس خليك زي متنى ويارب مايجي يوم وتندم على قرارك
ربنا يوفقك
تقبل مروري
سلامي.

عمرو يسرى يقول...

karmen
شكرا على كلامك الجميل
نورتينى

عمرو يسرى يقول...

جايدا العزيزي
شكرا ليكى
نورتينى

عمرو يسرى يقول...

الحب الجميل
شكرا على كلامك الجميل
نورتينى

عمرو يسرى يقول...

islam
شكرا على كلامك الجميل
نورتنى

عمرو يسرى يقول...

ghada mOhsen
اكيد فى حكايات كده بس بردوه مع الوقت مش على طول
شكرا على كلامك الجميل
نورتينى

عمرو يسرى يقول...

مرمر
شكرا ليكى
نورتينى

عمرو يسرى يقول...

جنون عـبقري
شكرا لك
نورتنى

عمرو يسرى يقول...

mena
شكرا ليكى
نورتينى

عمرو يسرى يقول...

رشا
شكرا على كلامك الجميل
نورتينى