الأربعاء، 29 سبتمبر 2010

تعلم الهيستيريا (من ارشيف مدونتى فضفضه + تحديث )

  مدحونا بالسباب واستغربوا لما تحياتنا بقيت بالسباب
سألونا عن الاسباب وهما كانوا اهم الاسباب
قالو علينا واحنا اطفال قرود  وده كان مدح
وقالو لينا ايه الجمال ده  طب ما انت حلو  جميل وعسل والله وده كان ذم
واستغربوا لما سمعونا بنقول لبعض
كلام بينا وبين بعض
ازيك يا ابن التييييت بين قوسين كلمه ابيحه
وديه كانت تحيه
ايه ايه ايه  كلمه ابيحه  تبقى تحيه
هاهاهاهاها  ايه ياعم ده  دا كلام هيستيريا
يعنى كلام زمان كان عقل  كله درجات من الهيستيريا   
عجبي لما الولد يعرف ذمه من مدحه
 عن طريق احساسه بالنيه
 كتر المعاني للكلمه
 ضيعت معنى الكلمه
 عجبي على زمن احب اهله الهيستيريا
 فهيسوا واصبحت حياتهم هيستيريا


من الارشيف الموضوع الذى وضعت  فيه الخاطره قبل التحديث فى مدونتى فضفضه
http://7akawy-amr.blogspot.com/2010/02/blog-post.html

هناك 14 تعليقًا:

mrmr يقول...

تصدق لحد دلوقتى مش عارفه معنى التييييييييييييييت
لكن اعرف انها كلمه مش حلوه
ولما سئلت قالوا حسب موقعها فى الجمله
فهى لها معانى كتيره
وهذه هى الهستيريا

عمرو يسرى يقول...

مرمر

معنى كلمه التييت هى كل حاجه عايزين نقولها وتمنعنا وقتها حاجه وسط مش مناسب تتقال فيه او وقت مش مناسب او اخلاقنا تمنعنا
وترجع اصلها الى الرقابه التلفزيونيه والسينمائيه عندما تغطى الصافره كلمه قالها البطل او البطله ايام ماكان فى رقابه يعنى

نورتينى

Tears يقول...

فعلا معنى الكلام تاه و ضاع

كتير كلمات لم يعد لها معنى....زى كلمة حب مثلا

جايدا العزيزي يقول...

اخ عمرو

ايه الانفراد ده

كل خاطرة تحمل فكرة جديدة

وتسمو بنا فى عنان السماء

وتعيد لنا بعض ما فقدنا

دمت متألق

تحياتى

شهرزاد يقول...

الواحد منا بيحتاج لبعض فترات الهستريه بريح بيها اعصابو ويجدد نشاط
دمت متألقا

رشا يقول...

السلام عليكم
كل مرة تفتح موضوع جديد
تناقش موضوع جديد
ربنا يوفقك
معنديش تعليق لده الموضوع
لان ده الي حاصل مهما قلنا
مهما عدنا مش بيطلون الكلمة دي
صارت كلمة عادية
زي السلام عليكم او صباح الخير
تقبل مروري
سلامي

Noha Saleh يقول...

ماهو احيانا الهيستيريا بتكون حل لحاجات كتير اوى

بوست تحفة

خواطري مع الحياة يقول...

السلام عليكم
ازيك ياعمرو يارب تكون بخير
ممكن تشرفني بمدونتي المتواضعة هكون سعيده
رشا
سلامي.

عمرو يسرى يقول...

Tears
اعترض اه كثير من الكلمات اصبح ليس لها معنى
ولكن كلمه الحب مهما حصل سيظل لها معنى
نورتينى

عمرو يسرى يقول...

جايدا العزيزي
طب اقول ايه بعد كلامك الجميل ده
شكرا جزيلا الله يخليكى
نورتينى

عمرو يسرى يقول...

شهرزاد
كلام مظبوط ولكن فتره مش طول الوقت
وماتبقاش ثقافه جيل
نورتينى

عمرو يسرى يقول...

رشا
عندك حق ده اللى حاصل بس يارب يتغير
قولى امين
نورتينى

عمرو يسرى يقول...

Noha Saleh
الهيستيريا بتكون مسكنات بس مش حل دائم

نورتينى

عمرو يسرى يقول...

خواطري مع الحياة
علم وتم التنفيذ
مدونتك رائعه
نورتينى