الاثنين، 27 سبتمبر، 2010

قررت ان اعاقبك فرأيت ان عقابك انى اسامحك

قررت ان اعاقبك 
فرأيت ان عقابك انى اسامحك
وفتحت معاك صفحه جديده  بيضاء
ليس فيها جرح ولا الم
ولا موده ولا عشم
 عمر ما بداء من اول لحظه عشم
اعقلها بلاش غشم
اوعى تزعل  لما اهمس لغيرك
ماسرى بقى مش معاك بقى مع غيرك
ايه يعنى لما تبقى فى حياتى مش رقم واحد
بس موجد زى اى واحد
غريبه انك  بقيت تتمنى انى اعاتبك  او اخاصمك
ما انت معايا ومن غير ما تطلب بقيت بسامحك
يمكن تكون بقيت فى حياتى مش فارق
تقرب  او تبعد عنى  مش فارق
جرب بقى الغربه وسط الحضن
جرب وسط الحبايب تحس بعد 
 استنى بقى لما يتزرع  ما بينا
اللى زرعته  الايام زمان ما بينا  
مش انت اللى  اقتلعت  الزرع
مش انت اللى بنيت السد
مش انت اللى هدمت الود
 اصبر هيعود ما بينا العشم
بس مع الوقت بلاش غشم
 اصبر  هيعود سرى  لك
اكيد بالوقت هيرجعلك
ده كلام جاى تقولى خاصمنى
 وتترجانى  وتقولى بلاش تسامحنى
ما اقدرش على خصامك
ومهما تعمل مسامحك
دا  البعد فى الوصال
امر من البعد فى الخصام
قررت انى اعاقبك
 فرأيت ان عقابك انى اسامحك  

هناك 26 تعليقًا:

mena يقول...

عمرو يارب اكون اخدت اول تعليق

اولا ازيك وعامل ايه يارب تكون كويس وبخير

ثانيا الموضوع حلو اوى وجديد واحلى حاجه فالحب التسامح والعتاب وفعلا احلى عقاب ف الدنيا هو انك تسامح حبيبك

ثالثا زعلانه جدا منك شوف كده انت اخر مرة جيت عندى وسألت عنى كانت امتى انا مش عارفه هو اللى بنا كامدونين اننا نجامل بعض على المواضيع وبس حتى لو مفيش موضوع ايه المشكله اننا نسأل على بعض ونطمن ع بعض ارجو ان مكنش طولت عليك ولا كلامى ضايقك
تقبل مرورى...منه

mena يقول...

لولولولولى اخدت اول تعليق

المجهول يقول...

عقاب ولا أحلى .. هذا هو عقاب الحب .. الذي يكوي نار الحب فعلا .. سلمت الأنامل.

بنت الغربة يقول...

رااائعه فعلا...
اول زيارة بس ان شاء الله مش الاخيرة
اتشرفت بالمعرفه
تحياتى

جايدا العزيزي يقول...

ياسلام على الحب الحقيقى

هوده

حقيقى تسل اخى

تحياتى

karmen يقول...

جميلة جدا عمرو
تلقائية ومباشرة
بسيطة لدرجة آسرة
شعرتك تتحدث لصديق وليس في خاطرة
خالص احترامي

رشا يقول...

السلام عليكم
الصراحة مش عارفة اقول ايه
من كلامك الحلو
الي خلاني مش عارفة اعبر
معنديش كلام غير اني اقول
الله يوفقك.
سلامي

Tears يقول...

بس ده مش تسامح ده تدمير للعلاقة و بالطريقة دى ح تنهى تماما و بقت مسألة وقت فقط

شهرزاد يقول...

ايه دا كل يا عمرو
كده يكون العقاب ولا فلا
احساس جميل وعني بالمشاعر الجياشة
سلم القلم اللي كتب

الحب الجميل يقول...

لازم يكون فى عقاب قبل التسامح ولو كان عقاب بسيط
وإلا ........
جميله
تسلم ايدك

Noha Saleh يقول...

احيانا فعلا السماح بيكون عقاب
بس مش كل الناس ممكن تسامح حتى لو بغرض العقاب
انما كلامك جميل

mrmr يقول...

ما اقدرش على خصامك
ومهما تعمل مسامحك

قررت انى اعاقبك
فرأيت ان عقابك انى اسامحك

ايه يا عم عمرو الكلام الجامد ده
بجد تسلم ايديك
كلالالالالالالالالالالالالالالالالالالالالالالام جميل
وكلالالالالالالالالالالالالالالالالالالالالالام معقول وموزوووون

عمرو يسرى يقول...

mena
شكرا على كلامك الجميل
وسامحينى على تقصيرى معاكى معلش كنت مشغول الفتره ديه معلش اسف اعذرينى
نورتينى

عمرو يسرى يقول...

mena
نورتينى

عمرو يسرى يقول...

المجهول
شكرا على كلامك الجميل
نورتنى

عمرو يسرى يقول...

بنت الغربه
الشرف لينا احنا
ويارب تعتبرى المدونه بيتك
نورتينى

عمرو يسرى يقول...

جايدا العزيزى
شكرا على كلامك الجميل
نورتينى

عمرو يسرى يقول...

karmen
شكرا على كلامك الجميل
نورتينى

عمرو يسرى يقول...

رشا
شكرا على كلامك الجميل
نورتينى

عمرو يسرى يقول...

Tears
هو مجرد تربيه فقط طبعا لو طولت يبقى بينهيها زى ما انت قولت
نورتنى

عمرو يسرى يقول...

شهرزاد
شكرا على كلامك الجميل
نورتينى

عمرو يسرى يقول...

الحب الجميل
احيانا التسامح بيبقى فى حد نفسه عقاب
نورتينى

عمرو يسرى يقول...

نهى صالح
عندك حق التسامح مش الكل يقدر عليه
نورتينى

عمرو يسرى يقول...

مرمر
دايما رفعه معنوياتى الله يخليكى
نورتينى

ساسو يقول...

كلامك جميل اوي يا عمرو
وبجد احساسك عالي اوي
ومن تألق لتألق
ماشاء الله

عمرو يسرى يقول...

ساسو
شكرا على كلامك الجميل
نورتينى