الثلاثاء، 7 سبتمبر، 2010

مدرس رياضيات يجمع ذكرياته

زمان كنا بنقول متى نبقى اثنين فى واحد
ونعيش مع بعض عمر واحد
قولنا زمان اننا معادلتين حلهم فى معادله واحده
وكنتى بالنسبالى اجمل واحده
كنت بعرف احل لوغارتماتيك
وكنتى عارفه تحلى لوغارتماتى
كنتى ضلعى الثانى فى زاويه قائمة على الحب
جتلك واعترفتلك انى غرقان فى الحب 
وحبك خلانى ماشى  مستقيم
قلت اقرب خط بين نقطين الخط المستقيم
 ورسمت فى احلامى دائره كنا احنا اقطارها
واتفقنا على الزواج والزواج قسمه
وكنتى قسمتى ونصيبى وكانت احلى قسمه
جا الهوى عكس ما قلبى هوى
ورحلتنى عنى ورسم بيان قلبى هوى
كان نفسى نعيش انا وانتى اس اتنين
كنت مستنى بعد ماحلينا المعدلتين
وكنا سين وصاد اننا نجيب عين
ولكن شكلها كده اصابتنا عين
رحلتى عنى واخذ قلبى جذرتربيعى
واصبحت بعدك صفر على الشمال
بدور عليكى يمين وشمال
اجمع ذكرياتى واضربها فى دماغى
ينطرح اغلى وقت فى حياتى
فاكره جدول الضرب اللى حسبناه
اثنين فى واحد بيساوى اثنين
الحب بيجمع بين قلبين
اثنين فى اثنين بيساوى اربعه
وانتى فى قلبى متربعه
اثنين فى ثلاثه بيساوى سته
فرحنا كان يوم سته
اثنين فى اربعه بيساوى ثمانيه
رقم بيتنا ثمانيه
اثنين فى خمسه بيساوى عشره
كانت احلى عشره
اثنين فى سته بيساوى دسته
كنا عايزين نخلف دسته
وداع يا برجل قلبى
وداع يا ضلع مثلث فرحى
تركتى مساحه فى حياتى
مش عارف احسبها ازاى يا قلبى
مش عارف المساحه هى مثلثه ولا دائره ولامربعه
مازلتى فى قلبى قاعده ومربعه







هناك 36 تعليقًا:

mrmr يقول...

من لغه عربيه لرياضه يا قلبى لا تحزن
بس جديده وجميله
معادلات ميه ميه
ذى الوالد اللى بيعلم زملائه الرياضه
جمعهم ثم ضربهم ثو طرحهم ارضا
ههههههههه

جايدا العزيزي يقول...

انت الظاهر ياعمرو كان نفسك


تكون مدرس

بس مدرس ايه انت شاطر فى كل المواد


سبلنا شوية شطارة ياعم


بجد تسلم ايدك


مستنيه مدرس التاريخ والعلوم والانجلش


وباقى المواد


تحياتى

عمرو يسرى يقول...

مرمر
نورتينى
ماهى مستوحاه منها
انا كنت اصلا هكتب مشاعر مدرس كمياء وفزياء بس لما دخلت على ابتسامات وشوفت النكته فطورتها على طول يعنى مسروقه منك هههههههههههه
تسلمى

عمرو يسرى يقول...

جايدا العزيزى
نورتينى
شكرا على كلامك الجميل ده
و هعملك ان شاء الله باقى المواد
بس استعدى بعدها هعمل امتحان هههههههه

Ramy يقول...

(:

جامدة يا عمرو جدا بأمانة

عارف هى تنفع لكل المواد على فكرة

تسلم ايدك يا عمرو

دمت متألقا (:

ربنا يوفقك دايما

(:

الحب الجميل يقول...

جميله جدااااا
مستنين باقى المواد
تسلم ايدك
كل سنه وحضرتك طيب
عيد سعيد
دمت بخير

الشاعر الفنان أحمد فتحى فؤاد يقول...

عزيزى عمرو

المشكلة بجد إنى طول عمرى مش باحب الرياضيات ( رغم إنى خريج كلية تجارة .. و رغم إنى عامل دبلوما فى التكاليف )
بس برضه مش باحب الرياضيات

لكن معلش ماشى .. تهون المرة دى عشانك
بس المرة الجاية لا ممكن أبدا
مشيها علوم .. عربى .. هندى ..كله ماشى

كل سنة و إنت طيب
دمت بخير

فتاة من عالم آخر يقول...

هههههههههههههه جميلة أوى

فتافيت يقول...

ههههههههههههههه
لا بجد انت فظييييع.. انا بعشق الرياضة
بس عمري ما تخليت اني اكتب شعر رياضي :))
حلوووووووووة اوي اوي اوي

كل سنة وانت طيب

عاشقه وبدوب ف حبيبي يقول...

عمرو فكرتك جديده وكلمات حلوة اوى تسلم الدماغ اللى فكرت والايدين اللى كتبت .وكل سنة وانت طيب منه

ساسو يقول...

ياسلام علي المدرسه الجميله
ويا سلام علي الرياضه وجمال كتابتك عنها
بجد ممتاز
كل سنه وانت بخير وسعاده

عمرو يسرى يقول...

رامى
نورتنى
شكرا على كلامك الجميل

عمرو يسرى يقول...

الحب الجميل
نورتينى
وانتى بالصحه والسلامه
عيد سعيد عليكم

عمرو يسرى يقول...

الشاعر الفنان أحمد فتحى فؤاد
نورتنى
واسعدنى زيارتك ليا
وكل سنه وانت طيب

عمرو يسرى يقول...

فتاة من عالم آخر
نورتينى
واسعدنى زيارتك ليا

عمرو يسرى يقول...

فتافيت
نورتينى
واسعدنى زيارتك ليا
ورايك فى المدونه
وانتى بالصحه والسلامه

عمرو يسرى يقول...

عاشقه وبدوب ف حبيبي
نورتينى
واسعدنى زيارتك ليا
ورايك فى المدونه
وانتى بالصحه والسلامه

عمرو يسرى يقول...

ساسو
نورتنى
واسعدنى زيارتك ليا
ورايك فى المدونه
وانت بالصحه والسلامه

جنون عـبقري يقول...

السلام عليكم ..

مضلعات الحب قد محاورها كالدائرة بلا نهاية .. وهذا أجمل ما في الحب الخالد.

سلمت الأنامل وكل عام وأنت بخير أخي في الله

همسات وبحــ الحياه ــر يقول...

هههههههههههههههههههههه

ضحكتنى والله ياعمر

كل سنة وانت طيب

أم الخــلـود يقول...

اصحى يا نايم ووحد الدايم

أرجوا من المدونين الموقرين أن يضعوا شعار الحملة واسمها فقط فوقها

(حملة الجسد الواحد)

في الشريط الجانبي لمدوناتهم كدلالة على وحدة صف أمة محمد

http://dndanh111.blogspot.com/2010/06/blog-post_14.html

ومن أجل قيام الولايات المتحدة الإسلامية

http://dndanh111.blogspot.com/2010/06/blog-post_17.html

جعله الله في ميزان حسناتكم .. آمين

السُـلطانة يقول...

السلام عليكم ورحمة الله وبركاته ..

كل سنة وأنت وأمة محمد بخير ..

بارك الله فيك أخي في الله وأتمنى لك ولأسرتك عيدا سعيدا اللهم آمين.

وشكرا لك على هذه الخاطرة الحسابية .. سلمت الأنامل

جايدا العزيزي يقول...

http://httpjaedacom.blogspot.com/2010/09/blog-post_493.html

يهمنى رائيك

عمرو يسرى يقول...

جنون عبقرى
نورتنى

عمرو يسرى يقول...

همسات وبحــ الحياه ــر
نورتينى
وكل سنه وانتى طيبه

عمرو يسرى يقول...

ام الخلود
نورتينى

عمرو يسرى يقول...

السلطانه
نورتينى
وكل سنه وانتى طيبه

عمرو يسرى يقول...

جايدا العزيزي
نورتينى
اوكى

Noha Saleh يقول...

هى جميلة والله
على فكرة انا طول عمرى كانت عقدة حياتى هى الرياضيات ومع ذلك كانت مجال دراستى
بوست حلو اوى بجد

غريب يقول...

هبيـــــك هبيـــــك
عمو عمر الدنيا كلها مضلعات
بس مضلعات مشتتة بحاجة الى إعادة هيكله
مش هيكل الجزيرة طبعاً

على العموم دستة مشاعر ولا أروع تلامس ثنايا القلب والروح , إضافة الى أن جدول الضرب ذكرني بخيزران الصغر و زمان الإبتدائية
ليس عود الخيزران طبعاً
لكنها(((((((((((:
خيزران الضرب لمن لم يحفظ دروسة بالأخص جدول الضرب

لك مني شكر وتقدير

mora يقول...

جميلة ذكريات مدرس الرياضة دي
اومال تطلع مذكرات مدرس الجغرافيا ايه؟؟
تسلم ايدك في الكتابات دي
وربنا معااااك

عمرو يسرى يقول...

نهى صالح
شكرا لكلامك الجميل
نورتينى

عمرو يسرى يقول...

غريب
شكرا لزياتك
وشكرا لكلامك الجميل
نورتنى

عمرو يسرى يقول...

mora
شكرا لزيارتك
وشكرا لكلامك الجميل
نورتينى

أتنين حبيبين يقول...

انا طول عمرى بكره الماده دى اووى
بس عبرت بطريقه جميله

ربنا يوفقك

عمرو يسرى يقول...

أتنين حبيبين
شكرا لكلامك الجميل
نورتينى