الاثنين، 16 أغسطس، 2010

حياه بلا معنى

من انا لا اعرف من اكون
من انا فى ظل هذا الكون
بحثت عن نفسى عبر السنين الماضيه لن اجد غير اسم بلامعنى وبلا هاويه
بحثت عن حكايتى لم اجد قصه وجدتها عباره عن مشاهد بلا معنى
طب هي ايه القصه ما فيش قصه ديه مشاهد متفرقه
طب هسمى ايه حكايتى مش مشكله اسميها باسمى
كان يا ما كان يا ساده يا كرام كان فى واحد اسمه على اسمى
مش هقول انها حكايتى وكفاية انى هحكيها بنفسى
كان فى واحد عايش لحد ما يموت
طبعا ما النهايه الطبيعيه لاى حياه الموت
كان يمر عبر العمر عليه مواقف
وكان هو دايما واقف بلا مواقف
كان فى ناس حواليه يحلوله اى موقف
اما بحل او من غير حل يتحل الموقف
يمكن يكون فى مواقف منها اتعقد
بس اغلب عقده هو اللى عقدها وبسببها اتعقد
مين قاله يعقد يتفرج
لما لسان غيره اتكلم بلسانه وهو اقعد يتفرج
ليه اتكتم وزرع جوه نفسه الم
والالم مع مرور العمر صرخ من الالم
واديه انعزل وعمر الانعزال ما كان حل
واديه رجع طفل ما طول عمره طفل
ماهو مين بيكبر غير خوض المواقف بدون تكبر
اهى الحكايه يمكن تكون ديه حكايتى
ويمكن تكون كلمات ليها معنى فى نفسى
او كلمات من وحى خيالى 



هناك 8 تعليقات:

يوميات رجل مش عايز يجوز يقول...

رائعة السطور والسرد

ديما الانسان بيبحث عن نفسة بداخلة


كل عام وانت بخير


تحياتى

الحب الجميل يقول...

كلنا نبحث عن أنفسنا بدخلنا
كثيرا ما نمر بهذا الموقف
طريقة سردك رائعه
كل عام وانت بخير
رمضان كريم
مبروك المدونه ويارب يجعلها فتحة خير

mrmr يقول...

دور عليه تلقاه ياللى عينيك شايفاه وبرضه بتدور

بس تدور فين ... بص داخل قلبك

ح تلاقى نفسك

مبروووووووووووووووووك للمدونه

والثانيه مش شغاله

رمضان كريم

عمرو يسرى يقول...

يوميات رجل مش عايز يجوز
نورتنى واسعدنى رايك
وكل سنه وانت بالصحه والسلامه

عمرو يسرى يقول...

الحب الجميل
نورتينى واسعدنى رايك وتشريفك ليا
وكل سنه وانتى طيبه وبالصحه والسلامه

عمرو يسرى يقول...

مرمر
المدونه نورت بيكى
و الثانيه وضعت عنوانها الصحيح عندك فى المدونه ومستنيكى تنوريها معلش كتبتهولك غلط المره اللى فاتت
وكل سنه وانتى طيبه
رمضان كريم

طوبه فضه وطوبه دهب يقول...

كثيرا ما نبحث بداخلنا عن أنفسنا لعلنا نجدها او حتى نجد ما فقد منها تسلم ايدك

عمرو يسرى يقول...

طوبه فضه وطوبه دهب
نورتينى واسعدنى تشريفك ليا